睇武侠小说，几武功盖世嘅人，都有死穴。原来系真嘅！

自称「全球最好打」嘅甄子丹，早几日同老婆汪诗诗，带埋三岁几嘅囡囡喺金钟太古广场嘅COVA叹下午茶。平日硬桥硬马嘅甄子丹，一时好温柔咁同老婆讲「呢度冷气冻，着番件外套啦！」囡囡一句话想食朱古力蛋糕，甄子丹又sweet到痹咁答：「爹哋去攞，仲有咩想食呀？」甘于低声下气做阿四，原来妻女就喺佢嘅死穴。

喺片场点人点到晕嘅甄子丹，今次俾妻女点番转头。

喺片场拳拳到肉，玩残唔少演员，其实佢铁汉柔情嘅一面，先至系天下无敌。

汪诗诗等食都等到眼厉厉，肯定御夫有术。囡囡一对眼仔碌嚟碌去，十分精灵。

论坛交流>>